Opus Dei. Romana BulletinBulletin of the Prelature of the Holy Cross and Opus Dei.

english
| español | français | italiano    
To read the full version of Romana,    
you can subscribe to the print edition    
EditorialFrom the Holy SeePrelateThe founder of Opus DeiBeato ÁlvaroNewsApostolic InitiativesIn PaceStudy
Home - Site Map | Subscriptions - Search E-mail Newsletter


No. 29 • July - December 1999 • Page 223
 
 
 
 •  From the Prelate and the Auxiliary Vicar
 

Some Decrees

Decree of December 8, 1999 on the Jubilee in the Prelatic Church of Our Lady of Peace:



Nos Dr. D. XAVERIUS ECHEVARRÍA
Dei et Apostolicæ Sedis gratia Prælatus
Sanctæ Crucis et Operis Dei


D E C R E T U M


Assidua meditatione verborum a Romano Pontifice Ioanne Paulo II in Litt. Ap. Tertio millennio adveniente scriptorum, parare nos sategimus ad rite celebrandum Iubilaeum, iam prope impendens, quod in «novam in gratiae missionisque aetatem introducit Ecclesiam totam» (Bulla Incarnationis mysterium, n. 3), quodque ab universis hominibus mulieribusque postulat ex imo animo conversionem et paenitentiam, ut, renovata fide, responsabilitatem suscipiant, qua debent «lucem veram Christum Dominum in mundum inferre» (ibid., n. 2).
Eodem spiritu fidei ac pietatis, una cum Romano Pontifice universaque Dei Ecclesia, vos hortor ut vehementer vivatis magnum hoc Iubilaeum anni bismillesimi, cuius initium Romanus Pontifex faciet in nocte Nativitatis Domini per aperitionem Portae sanctae in Basilica Petriana in Urbe Vaticana.

Perspectis iis, quae praescribuntur in Decreto lato a Sacra Paenitentiaria, die 29 nov. 1998


STATUO

1. Praelaturae fidelibus communicetur, ipsos posse indulgentiam iubilarem obtinere in ecclesia Sanctae Mariae de Pace —a Romano Pontifice Ioanne Paulo II in ecclesiam praelatitiam erecta (cfr. Const. Ap. Ut sit, 28 nov. 1982, n. VII)—, persolutis operibus et recitatis orationibus in recensito Decreto Sacrae Paenitentiariae praescriptis.

2. Attento titulo huius ecclesiae Sanctae Mariae de Pace dicatae, rogo insuper ut, recitatione antiphonae Salve Regina, arcta in coniunctione cum Romani Pontificis precibus, intercessio invocetur Beatae Virginis Mariae pro mundi pace et pro pace omnium cordium.

3. Hoc modo exopto quoque memoriam venerari Beati Iosephmariae, qui Sanctae Mariae de Pace hanc ecclesiam dicatam voluit, ubi sacrae eius exuviae conditae sunt.

4. Sollemni initium Iubilaei in ecclesia praelatitia celebrabitur die Nativitatis Domini, 25 decembris 1999.


Datum Romae, ex Aedibus Curiae Praelatitiae, die 8 mense decembri, anno 1999, in sollemnitate Immaculatae Conceptionis B. V. Mariae.


@ Xaverius Echevarría


Thomas G. Bohlin
Curiae Praelatitiae Cancellarius


Reg. Gen. R. lib. V pag. 84


Tools
 Archive
Print this page 
Download Palm version 
Send to a friend 
Useful links
The Vatican
Opus Dei
Writings of the Founder of Opus Dei
Josemaría Escrivá - Founder of Opus Dei
 
 
 
Romana - Bulletin of the Prelature of the Holy Cross and Opus Dei
Address: Viale Bruno Buozzi 73, 00197 Rome | redazione@romana.org
English edition: us@romana.org
© en.romana.org · Aviso legal · Política de privacidad y cookies